Lag í spilun: Dimmu Borgir - Det Nye Riket

Glatað! Hérna hef ég fullkomið tækifæri til þess að sofa út - en nei, best að vakna kl. 7.

Búin að vera að taka til á kvöldin síðan á föstudaginn. Tæmdi bláu bátahilluna mína og setti því bækurnar mínar í hann. Er eiginlega búin að tæma stóru furuhilluna mína, á bara eftir að fara með saumavélina upp á loft og finna stað fyrir 3 myndir og 3 skraut. Þá getur hillan barasta farið - amma Karen og afi Rabbi gáfu mér hana í fermingargjöf og hún er ofboðslega falleg en ég hef ekkert að gera við hana lengur, búin að losa mig við svo mikið af stöffi sem ég nota ekkert.

Skólabækurnar komnar í skrifborðskápinn. Fullt af plássi í skrifborðsskúffunni, náttborðinu, einni fataskápahillu og nóg pláss fyrir fleiri geisladiska í þeim skenk.

Þegar ég var uppi á lofti varð mér litið til eggjakassana sem mamma notaði fyrir hillusamstæðu fyrir ekki margt löngu og datt í hug að einn slíkur væri góður fyrir plöturnar mínar. Mamma hafði víst líka gert það á sínum tíma. Megatöff.

Í dag ætla ég að dreifa aðeins úr hátölurum (upp á surround dæmið). Fara í Rúmfó og Ikea og kaupa einhverja kassa til þess að setja undir rúm. Fara með eitthvað drasl í Góða hirðinn. Láta endurnýja Svarta kortið mitt (ætla að kaupa skólabækurnar á Amazon, búin að reikna dæmið út og það er mikið ódýrara).

Þá þarf ég að láta laga tattúið og fara í klippingu. Síðan ætla ég með hljómborðið í viðgerð sem og athuga hvort það borgi sig að laga elsku litlu Canon myndavélina sem hafði reynst mér svo ofbosðlega vel þar til á 2. degi hringferðar okkar Önnu Stellu.

Ætla að henda kaktusnum mínum. Hata hann. Hann stendur bara þarna, samanskroppinn og horfir á mig: "Thirstyyyyy...oh, so thirstyyyyy." Ég nenni ekki að vökva hann en fæ samt samviskubit yfir því. Gaf honum tekíla í gær (ekki mín hugmynd samt :Þ). Djöfull stínkaði hann :S

Eníhú, leiðinlegt, bæ.