Lag í spilun: Placebo - Drag

Krakkar, ég er að verða vitlaus á þessu tónlistarleysi og það eru ekki nema um 2 vikur síðan spilaranum var stolið! Ég held að það undirstriki bara húðflúrið mitt...

Græjurnar í bílnum éru ekki nógu góðar, in the first place, get ekki hækkað nóg til þess að kæfa sönginn minn :P

Þar að auki tók útvarpið upp á því að breytast í kúk. Ég get kveikt á því og hækkað og lækkað en annað ekki - og það er fast á 97.6! Nei, ekki 97.7 heldur 97.6! Sjúklega pirrandi.

Síðan er enginn spilari sem ég get hlustað á í bílnum (með hjálp breytispólunnar minnar) og enginn spilari sem styttir vinnudaginn minn *tár* En gleðifréttirnar eru þó að ég fæ nýjan á föstudaginn, reyndar 30GB enda 60GB erfitt að fá. Ég verð bara að fara í gegnum hvert eitt og einasta lag aftur og vega og meta hvort það eigi skilið að vera inni á spilaranum mínum (ekki eins og ég hafi ekki gert það áður...)

Og brotna heyrnatólaplöggið í tölvunni minni er að fkn drulla upp á bak. Versnar með hverjum deginum. Sérlega böggandi. Ég ætla að fara með tölvuna niður á verkstæði og bara: "Ég vil fá eitthvað fyrir þessa helvítis 30þúsund króna alþjóðaábyrgð þannig að viltu andskotast til þess að opna tölvuna og athuga hvort að það sé ekki fræðilega mögulegt að laga þetta án þess að skipta um allt helvítis móðurborðið!" - ein pirripú á ástandinu.

Við erum að tala að ég er farin að heyra tónlist í umhverfinu... kannski sniðugt ef maður er lagasmiður eða eitthvað - en ég er bara textasmiður. Ég hef heyrt skýrt og skilmerkilega part úr sinfóníu, part úr einhverju fönklagi og hluta úr popplagi - allt auðvitað hugarsmíð mín. Síðan heyri ég takta og síendurtekin undirspil í gríð og erg.

Mig langar að vera í hljómsveit - og það sérstaklega núna. Er með tveggja vikna uppsafnaða söngþörf sem bíður þess að brjótast út...